|
KRAFT
KRAFTLYFTINGANEFND
ÍÞRÓTTA- OG ÓLYMPÍUSAMBANDS
ÍSLANDS
FRÉTTIR
5. febrúar 2010
BYRJANDAMÓT OG
DÓMARAPRÓF
Byrjendamótið í kraftlyftingum fer fram á Akureyri
laugardaginn 20. febrúar í umsjón KFA. Skráningarfrestur er 13. febrúar,
en félögin mega senda inn skráningu sem fyrst til að gefa mótshaldara ráðrúm
til að skipuleggja mótið sem best. Mótið er ætlað byrjendum og er
nauðsynlegur undirbúningur undir þáttöku á stærri mótum eins og t.d.
Íslandsmóti. Skráning.
Í tengslum við byrjendamótið 20. febrúar verður haldið dómarapróf fyrir
félaga KRAFT. Þeir sem hafa áhuga á að ljúka dómaraprófi skulu hafa samband
við ritara KRAFT strax. Prófgjaldið er
5000 krónur og greiðist við skráningu.
Prófað er úr
ensku útgáfunni af reglunum frá 2009. Verklegi hlutinn er dómgæsla á byrjandamótinu.
3.
febrúar 2010
HM ÖLDUNGA Í
BEKKPRESSU
Heimsmeistaramót öldunga í
bekkpressu fer fram 30.mars-3.apríl í Orlando/Florida. Þeir sem hafa áhuga á
að keppa þurfa að hafa samband við sitt félag, sem sér um að koma skráningu
áleiðis til Kraftlyftinganefndar ÍSÍ. Seinasti dagur fyrir félögin til að
senda inn skráningu er 8. febrúar.
Upplýsingar um formenn/tengiliði félaganna eru
HÉR
2.
febrúar 2010
720.000 KRÓNUR
TIL KRAFTLYFTINGA
ÍSÍ úthlutaði á dögunum styrkjum til afreksmanna. Kraftlyftinganefndin
fékk 220 þús. krónur frá Ólympíufjölskyldunni vegna fyrirhugaðri þáttöku landsliðsins á HM/EM 2010.
Helsti afreksmaður okkar, Auðunn Jónsson, fékk 500 þús. krónur úr
Afreksmannasjóði ÍSÍ til
áframhaldandi afreka á alþjóðavettvangi.
Úthlutunin ber vott um víðsýni og von ÍSÍ um að sjá íslenska keppendur á
verðlaunapalli á alvörumótum erlendis.
2.
febrúar 2010
LANDSLIÐIÐ
Stjórn KRAFT er að huga að vali í landslið þessa dagana. Framundan eru mörg
stórmót á vegum IPF fyrir alla aldurshópa og sum mótin eru í nágrannalöndum
okkar í ár. Stutt að fara. Ef einhverjir eru sem hefur hug á að keppa fyrir
Íslands hönd skulu þeir hafa samband við ritara
KRAFT sem allra fyrst. Nauðsynlegar upplýsingar: nafn, kennitala,
félag, hvaða mót þú ert að stefna á, besti árangur á sl. 12 mánuðum.
2.
febrúar 2010
AÐALFUNDUR
Kraftlyftingadeildar BREIÐABLIKS
Aðalfundur Kraftlyftingadeildar Breiðabliks fer fram í íþróttahúsinu
Smáranum miðvikudaginn 24. febrúar kl. 20.00. Auk venjulegra
aðalfundarstarfa verður fjallað um míkilvæg mál, eins og æfingaraðstöðu og
lyfjaeftirlit.
Nánar á
heimasíðu.
Hið sigursæla lið UMFN
tekur við bikarinn af hendi Sigurjóns Pétursonar, formanns KRAFT. Liðið kom,
lyfti og sigraði á bekkpressumótinu og tók afgerandi forystu í stigakeppni
liða. Forystu sem hin félögin væntantlega munu gera sitt besta til að minnka
á næsta móti.
30. janúar 2010
ÍSLANDSMÓTIÐ Í
BEKKPRESSU
Áhorfendur
fylltu íþróttahús Akraness í dag þar sem fram fór Íslandsmeistaramót í
bekkpressu. 29 keppendur mættu til leiks. Keppnin var hörð í mörgum flokkum
og mörg Íslandsmet féllu. Íslandsmeistari kvenna varð María Guðsteinsdóttir,
Ármanni. Hún lyfti 105 kg og setti nýtt Íslandsmet í 75 kg flokki.
Íslandsmeistari karla varð Ingi Stefán Guðmundsson, Sindri, sem lyfti 210 kg
í 100 kg flokki. UMFN Massi gjörsigruðu í liðakeppninni með fullt hús stiga,
72 af 72 mögulegum. Veitt voru verðlaun fyrir bestu tilþrif, og hlaut þau
Guðmundur S. Erlingsson, Massi, sem lyfti 220 kg í +125 kg flokki á kjötinu
einu saman. Efnilegasti keppandinn þótti Þorri Pétur Þorláksson,
Kraftlyftingafélagi Mosfellsbæjar. Hann lyfti 125 kg í 82,5 flokki unglinga,
en það er nýtt Íslandsmet í þeim aldursflokki.
Kraftlyftingafélag Akraness á hrós skilið fyrir frábæra framkvæmd á vel
heppnuðu móti. Myndir frá mótinu munu birtast fljótlega.
HEILDARÚRSLIT
28. janúar 2010
STIGAKEPPNI
FÉLAGSLIÐA
Á Íslandsmótinu í bekkpressu á laugardaginn verður ekki bara keppt um
einstaklingstitla, heldur verður líka í fyrsta sinn skorið úr um hvaða félag
mætir með sterkasta liðið.
Mótið er liður í stigakeppni félaganna, en stigahæsta liðið í lok
keppnistímabilsins hlýtur heiðurstitil og vegleg verðlaun.
Lesið nánar.
25.janúar 2010
ÞJÁLFARASTYRKUR ÍSÍ
ÍSÍ auglýsir eftir umsóknum um styrk til þjálfaramenntunnar. Lesið nánar
HÉR.
10.janúar 2010
REGLUR UM LYFJANOTKUN
Þeir sem vilja vita hvaða
reglur gilda hjá IPF um lyfjanotkun, lyfjaeftirlit, undanþágur og refsingar
geta kynnt sér það á heimasíðu sambandsins.
06.janúar 2010
 KRAFTLYFTINGAMENN
ÁRSINS
ÍSÍ og samtök íþróttafréttamanna heiðruðu kraftlyftingafólk ársins ásamt
öðrum afreksmönnum í glæsilegu hófi á Grand Hóteli í gær. Íþróttamaður
ársins var kjörinn Ólafur Stefánsson handknattleiksmaður. Við óskum honum og
okkar fólki til hamingju með heiðurinn.
Lesa meira
04.janúar 2010
GAMLÁRSMÓT KFA ÚRSLIT
Hér koma úrslit
gamlársmótsins í bekkpressu á Akureyri. Stigameistari var Páll Andrés
Pálsson sem lyfti 200 kg í 125,0 kg flokki. Einar Þór Birgisson lenti í öðru
sæti og María Guðsteinsdóttir í þriðja. Nokkur Íslandsmet voru sett á
mótinu.
|
